Til hvers að vökva gerfi-grasvöll?????

Heil og sæl,

Ég er búin að umbreyta mér í moldvörpu og skríð út um allt bílaplanið og reyti arfa. Stæðið getur tekið 6 bíla, ég er að tala um arfa og aftur arfa.  

Bóndinn heldur að ég hafi tapað geðinu en nei svona vinna bætir geðið svo um munar. 

Hvað er betra en að sitja í svona 10 -12 stundir úti í góðu veðri og kraka með góðri klóru?  Eintóm sumarblíð hérna fyrir vestan.  Engin rigning, þannig að stæðið er þurrt og auðveldara að taka arfann.  Þarf einnig að kantskera og er ég ekki búin ennþá.  Þetta kemur. 

Í kvöld fór ég í snyrtingu, lét plokka augabrúnir og lita augnhárin, algjört bjútí.  Búin að fjarlægja óæskileg hár af fótleggjum og það eru bara 7 vinnudagar eftir í sumarfrí.  Neglurnar eiga eftir að mani-kjúrast á franska vísu en það verður ekki gert fyrr en bílaplanið er klárt.   

Í gær fékk dóttir mín einhvers konar hnetuofnæmis kast og endaði inni á spítala og fékk bót sinna meina.  Mikið er maður varnarlaus þegar börnin manns eru annars vegar.    Til að stytta henni stundir á spítalanum sagði ég henni gamlar sprelli sögur af mér á mínum yngri árum,  hún skellihló og sagði, segðu mér meira,..  nei sumt er ekki hægt að segja....

Þegar ég var á leiðinni heim sá ég vatnsúðara buna á gerfigrasvellinum.  Til hvers  hugsaði ég.  Kannski þarf að kæla kúlurnar svörtu í hitanum eða er allt að verða klikk*****

Jæja nú er dagur að kveldi komin og ég hygg á ferð inní draumaland.

Speki kvöldsins;

Halltu varlega á hamingjunni í hendi þér.  Þú hefur hana aðeins að láni.

 

Kveðja,

Athugasemdir

[Vilborg Traustadóttir, 5.7.2007 kl. 12:30]

Við erum í svipuðum gír núna!  Nema hvað ég ligg í matjurtagörðum og reyti arfa.  Reytti "arfann" sjálf af fótleggjunum í fyrradag (með vaxi) og var að koma úr táslu bjútíi hjá vinkonu minni.  Hendurnar bíða kvöldsins  eða þar til eftir garðinn í dag.  Gervigrasið? Veit það einhver?

[Hrönn Sigurðardóttir, 5.7.2007 kl. 16:23]

Vökva gerfigras? Þarf þess?

[Guðný Anna Arnþórsdóttir, 5.7.2007 kl. 21:46]

hehehehe!

[Ásdís Sigurðardóttir, 5.7.2007 kl. 21:58]

Takk fyrir færsluna. Það er gott að snyrta sem flest.  Ég er eiginlega bara í tölvunni nú orðið.

[Íris (IP-tala skráð) 6.7.2007 kl. 08:37]

Sæl frænka-haha gerfigrasvöllur???

Ef þú myndir nú rölta þér út á völl og beygja þig niður þá myndirðu sjá alveg ofan í rót á "gerfigrasinu" sem er slegið og vökvað mjög reglulega yfir sumartímann. Flestir muna eftir því þegar gert var grín að þökulagningu vallarins á þorrablótinu og því hvort að vinnufólkið ætti að láta grænu hliðina snúa upp eða niður... en það er önnur saga og átti sér sjálfsagt stað áður en þú fluttir í bæinn. Staðreynd: Íþróttavöllurinn í Stykkishólmi er ekki gerfigrasvöllur, held að svona lítið ungmennafélag myndi aldrei hafa efni á svoleiðis...

Sumarkveðjur ofan úr sveit;=) í rigningunni sem loksins kom,

Íris

[Anna Sigríður Guðmundsdóttir, 6.7.2007 kl. 22:29]

Sæl frænka, heldur þú virkilega að ég sé kúkú???  Það var verið að vökva litla sparkvöllinn fyrir framan sundlaugina.....   .Hann er með svörtum kúlum í botninn eða er það ekki gerfigras.???   Kveðja dúllan mín

[Hrönn Sigurðardóttir, 6.7.2007 kl. 22:49]

þeir gleymdu að það var gerfi.........

héldu að það væri að skrælna.....

þurfa bráðum að fara að slá!