Anda inn og halda.......... anda út

Heil og sæl.

Já eins og venjulega er ég búin að vera lasin heima í ja, allt of lengi.  Asmi og lungun eru að stríða mér.  Er búin að fá tíma hjá sérfræðingi á Akranesi.  Þarf líka að láta athuga hvort ég hafi ofnæmi fyrir hundum, köttum, rækjum og ryki til að byrja með. 

Fór í lungnamyndatöku hjá nunnunum.  já læknirinn er ekki viss af hverju þessi þreyta stafar.  Púst sem ég á virðist hjálpa til en kannski eru það ekki rétt púst.  nema vað látum kyrrt liggja þar til sérfræðingurinn hefur talað. 

Einkadóttir okkar hjóna er á lúðrasveitamóti yfir helgina í Keflavík, já hef og mun alltaf kalla bæinn Keflavík.  Hún hringir heim og uppfærir okkur hjónin um hvað er í matinn.

Hún er sérlega ánægð með aðstöðuna og maturinn er sérstaklega góður og allt bara æðislegt, já og vinkonur úr Mosó með í sama hóp.

Hún spilar á klarinett í rauðum hóp. Almenningi er boðið á sunnudag um 12:30 að mig minnir til að hlusta á afrakstur helgarinnar.  Frábært en verst að ég kemst ekki, það er að ég held fyrsta skipti sem það gerist.

Jæja, ætla að druslast út í búð og kaupa eitthvað fyrir kvöldið, þar sem við hjónin erum ein heima   úúú´´uuú´. Spennandi.

kveðja, 

Athugasemdir

[Ása Hildur Guðjónsdóttir, 17.2.2008 kl. 11:35]

Innlistskvitt

[Hrönn Sigurðardóttir, 20.2.2008 kl. 22:21]

Farðu vel með þig!

[Guðríður Hrefna Haraldsdóttir, 24.2.2008 kl. 17:11]

Ég hef verið að ergja mig á bronkítis undanfarið, fékk tvenns konar púst með smá millibili og það seinna virkaði rosaflott, það er með sterum. Vona að þú lagist fljótt, sért jafnvel orðin alheil.

[Anna, 25.2.2008 kl. 21:45]

Sæl - leitt að heyra með veikindin.  Vona að þú fáir bót meina þinna.