Nú er mín tengd á Reykjalundi.

Heil og sæl,

Af mér er allt gott að frétta.  Fékk lánaða tölvu til að blogga nýjustu kílótölur,  haldið ykkur  6,3 kg farin á tveimur vikum.  Þvílíkur munur.  Blóðþrýstingurinn dottin niður  fyrir 100 og þrekið að koma enda á þrekhjóli í hálftíma og ég hjóla um 11 km daglega.  Svo er sundleikfimi og lungnaskólinn. þolfimi og útigöngur.

Hér er yndislegt fólk og allir svo hjálplegir.  Í dag var ég að læra rétta vinnustöðu við að strauja og ryksuga já hver hefði trúað því að ég kynni það ekki, en svona er þetta.

Öndunin er einnig mjög mikilvæg eins og allir vita, þindaröndun, anda inn um nefið, stíga í tröppurnar fara 4 þrep og blása út á leiðinn, já kannski verð ég óþolandi til að byrja með.

Málið er að nú er ég tilbúin að gera eitthvað í mínum málum, bara eins og alkarnir þeir fara ekki í meðferð nema að vilja það sjálfir. 

jæja nú er mín að fara að hlusta á slökunarspólu með yndislegum lögum hugsa eitthvað fallegt og hverfa inn í draumalandið.  Ég tók þátt í könnun um hvort ég væri stressuð, nei ég er ekkert stressuð eða hitt og heldur.  Skoraði hátt og er sett í slökun 2 á dag og svo þegar ég fer að sofa. Það er ekki gott að hafa of margt á sinni könnu, 

Skipulag og hugarfarsbreyting,  hvað vil ég láta ganga fyrir?

Heilsuna, ekki spurning, jæja  kveð að sinni

kveðja,  

 

Athugasemdir

[Anna, 29.8.2008 kl. 23:01]

Flott hjá þér  Dáist að dugnaðinum - hafðu það gott Anna Sigríður og gangi þér áfram vel !!!

[Helga Auðunsdóttir, 30.8.2008 kl. 00:30]

það er gott að vera á Reykjalundi, og ég hálfpartin öfunda þig af því að vera þarna í höndunum á góðu fólki

[Guðný Anna Arnþórsdóttir, 30.8.2008 kl. 22:13]

Gangi þér vel!

[Kristín Katla Árnadóttir, 31.8.2008 kl. 17:39]

Gangi þér mjög vel.