HARRY POTTER , hver????

Ég telst víst til furðufugla þar sem ég hef aldrei lesið neina bók um Harry Potter.  Sá fyrstu myndina og byrjun af þeirri næstu en nei þetta er ekkert sem höfðar til mín samt er ég nú mikil bíókona og elska ævintýramyndir. Amazon fær ekki e-mail pöntun frá mér.  

kveðja.

Yfir milljón pantanir í nýjustu bókina um Harry Potter

Díana prinsessa

Díana prinsessa var og er uppáhalds royal konan mín.

Þegar hún dó var ég alveg miður mín.  Fylgist alltaf með strákunum hennar.  Kalli hefði mátt koma betur fram við hana. Gæti hugsað mér að fara á tónleikana.   Frábær kona og frábært hvað hún afrekaði.  kv.  

Bretaprinsarnir segjast hlakka til minningatónleikanna um móður þeirra

87 virkir dagar , alls 119 dagar með laug og sun, vááááá

Mikið væri gaman að eiga svona langt sumarfrí 87 virkir dagar.  

 Ég er svo græn,   eru þingmenn á launum alla þessa  daga.?

Allir þessir nýju þingmenn sem ekki hafa áunnið sér réttindi?   

Sumarþingi slitið

Er allt að verða vitlaust,

Hvað skildi verða greitt fyrir Eið Smára? og hvert fer hann???

Haugesund hafnar 226 milljóna boði Arsenal í 16 ára pilt

Féll fyrir hækju,

Eins og þetta eru sæt dýr,  nagandi hnetur og hlaupandi um,  nei bítandi fólk og klórandi.  Alvarlegt mál ef um hundaæði sé að ræða. 

Óður íkorni

Útivistarsvæði í boði Orkuveitunar!!!!!!

Velkomin í Elliðaárdalinn, njótið dagsins í boði Orkuveitunar. 

Nauðsynlegt að stjórna þessu eitthvað svo fólk vaði ekki yfir allt.

Markviss stjórn útivistarsvæða Orkuveitu Reykjavíkur

Á þetta að vera grín?

Rífa gamla Morgunblaðshúsið ?

Það er nú ekki svo gamalt ég man eftir því þegar það var byggt.  Ég man líka eftir því að þar sem Kringlan er núna var stórt tún með sinu og þar var áramótabrenna bæjarins, og er ég ekki orðin 50.  

Sóun á peningum.

Morgunblaðshúsið í Kringlunni rifið?

Fíflar í túninu heima, túnið eins og þúsund holu gólfvöllur

Heil og sæl.

Jæja þessi dagur að kveldi komin. Þegar ég kom heim úr vinnunni var ég sólbrennd  og sveið í andlitið. Bar á mig krem og fór út að slá  grasið fyrir framan húsið.  Rótaði í beðunum.

Um hálf átta fór ég inn og eldaði fyrir dóttir mína.  Kjötfarsbollur og kartöflur.  Hún er ekkert sérlega hrifin að svona kjötvörum.

Stundum er ekkert annað til í Bónus Stykkishólmi.  Þó ég sé himinlifandi að hafa Bónus hér er ekki þar með sagt að ég vilji hafa C búð eins og sumir kalla hana.  Stundum er ekkert til.  Ef ég spyr um eitthvað er svarið nei það er ekki inni  í valinu... Búðin getur ekki pantað hvað sem er.  Já skrýtið.   Versla það sem ég þarf annað í Bónus í Borgarnesi eða Reykjavík.

Stundum er ekkert nema grillkjöt í hillunum,  hangikjöt og Hamborgahryggur.  Hver borðar það hversdags?

Í kvöld fór ég á lokafund vetrarins hjá L listanum. Listi félagshyggjufólks í Stykkishólmi.  Var í framboði við sveitastjórnakosningar.  Okkur vantaði 33 atkvæði til að fella meirihluta Sjálfstæðismanna, en bara næst. 

Við fórum yfir kosningarloforð , framkvæmdir , fjármál og ýmislegt annað.  Fjármálin góð, erum í  plús.  Erum vakandi yfir öllu.

 

Kom heim um 23 og fór þá að taka saman í garðinum slátturvélina og hrífurnar. Stóð á tröppunum og leit yfir dagsverkið.  OOOO svo fínt.  Ég er mikið fyrir línur og lögun.  Vil hafa skörp skil milli grass og beða.  Allt í röð og reglu.    Maðurinn minn er svolítið á skjön við mig vill hafa villtan garð með fíflum og sóleyum túnin þakin af.... ojoj

Nú er hann ekki heima svo ég nota tækifærið til að gera eins og ég vil.  Ég held hann verði glaður þegar hann kemur heim á föstudaginn því þá þarf hann ekki að gera neitt.

Pretty Woman  er í tækinu, fer að halla mér bráðum

Megið þið eiga góða nótt.   Anna Sigga

 

Fæst hamingja með Philips ryksugu?

Heil og sæl.

Jæja dagur að kveldi komin og ég að skríða saman eftir allt djammið..... nei eftir að hafa slegið og rakað garðinn, hreinsað beðin fyrir framan húsið og blabla...  af nógu að taka. 

Brann á öxlunum í gær í góða veðrinu, það var vindurinn sem kældi mig niður þannig að ég fann ekki þegar ég var að grillast, fann bara þessa fínu grilllykt, nei grín.

Nei, helgin var skemmtileg.  Upplifði að sjá fólk á fertugsaldri og eldra skemmta sér á trambolíni.  Undur og stórmerki.  Konur í fallegum kjólum og alles.  Lét ekki plata mig í þetta enda ráðvönd kona.   Nei hefði verið til í þetta ef ég hefði verið í sokkabuxum undir pilsinu.

Maðurinn minn kom heim eftir viku fjarveru og hafði með sér nýja Philips ryksugu. Hún er frábær. Hann líka.  Ekki veitir af kraftmikilli sugu fyrir öll hundahárin og kattarhárin.  Hin gafst upp eftir 12 ára vinnu. Já hamingjan getur birst í hinum ýmsum myndum.

Mánudag geta verið svolítið erfiðir, allir þreyttir eftir helgina, börnin á leikskólanum þreytt eftir óreglulegan svefntíma.  Mið vikan er fín þá eru allir búnir að jafna sig og á föstudegi eru allir búnir að fá nóg og vilja hvíld.

Kvennahlaupið er á laugardaginn.  Ég ætla að taka þátt.  Hef verið með svo til frá byrjun nema ´95 þegar mamma dó 16 júní.  Núna fer ég í Kvennahlaupið og hugsa til hennar á meðan.

Reyndar hugsa ég til hennar og pabba sem er líka látin ´89 svo til daglega.  Sorgin minnkar með árunum en kvölin sem nýsti mig er farin. Að sjá á eftir æskuheimilinu var erfið reynsla sem situr í mér ennþá, það að eiga ekki athvarf hjá foreldrum sínum.  Það er mikil gæfa fyrir mig að ég á yndislega tengdaforeldra sem taka mér sem dóttur sinni og mér finnst ég aldrei útundan hjá þeim. Þvílík blessun.  Það eru ekki allir eins heppnir og ég.

Jæja ,læt þessar stefnulausu hugleiðingar duga að þessu sinni.  Vil fara í draumalandið, þar líður mér vel.

Góða nótt og guð geymi ykkur 

 

 

Eftir einn ei aki neinn.

Ja hérna, hugsa sér, það má aka með 0.5 promill í blóðinu.  Hvað varð um átakið   " Eftir einn ei aki neinn? "  Það á ekki að hreyfa ökutæki eftir neyslu víns eða annara vímuefna. 

Glöð að það sé tekið fastar á þessu enda tími til kominn.

Hvernig var með átakið Vímuefnalaust Ísland árið 2000?

Man einhver eftir því?

Tæplega 30 teknir undir áhrifum fíkniefna við akstur