Megi gæfan þig geyma,--- ég er svo meir núna....

Heil og sæl.

Jæja þá er bóndinn farinn aftur, en núna að veiða á Arnarvatnsheiði en þangað fer hann á sama tíma árlega.  Honum er nokk sama hvort hann veiðir eða ekki, heldur er það félagsskapurinn sem hann er að sækjast í.  Góðir veiðifélagar er gulls ígildi.  Eller hur?

Veðrið er búið að vera frekar haustlegt. Norðangarri en samt sól. Andlitið er eins og indíánatjald strekkt á grind,  já ég segi það satt verð að bera oft á mig krem annars þorna ég,  við að leika mér í sandkassanum og baka sandkökur og aðrar girnilegar kökur. Tel það forréttindi að leika mér með börnum og fá að varðveita barnið í sjálfri mér, þótt launin sééééu lááááágggggg.

Það styttist í sumarfríið.  Tvær vikur og tveir dagar.  Ég var að telja og sá þá að 13. júlí er á föstudegi, úff ekki líst mér á það en sumir segja að 13 sé líka lukkutala.  Er að skipuleggja fríið, verð ein í þessu því bóndinn er búinn með sitt og dóttirin að vinna. 

Lilja vinkona mín býr á Akureyri, er fædd þar og uppalin en ég kynnist henni í Rvk þar sem við unnum saman í kringum 1990. Hún er tilbúin að taka á móti mér og ég má vera eins lengi og ég vil.  Gott það, en ekki viss um að hún haldi það út því við hlæjum svo mikið að það hálfa væri nóg.  Alltaf stutt í fíflaskapinn hjá okkur.   Svo á hún svo skemmtilegar frænkur,  4 systur say no more,,,,,,

Jæja, sólin sest og kominn tími til að kasta sér til kojs....

Til umhugsunar;;

Megirðu varðveita hlýtt hjartað- en skarpa dómgreindina líka.

kveðja,

Talsamband við umheiminn ...halló gemsinn bilaður!!!

Heil og sæl,

Mikið er ég glöð að vera komin aftur í ómenninguna, samt ekki....

Í Dölunum þar sem ég var var ekkert GSM samband, í sjálfur sér í lagi því gemsinn minn er án rafmagns.  Þarf að kaupa nýtt batterí eða kaupa nýjan.  Með hverju mælið þið????  

Ekkert sjónvarp, lá bara í pottinum og starði á hrossin í haganum og tvö sæt folöld.  Fuglalífið var einstakt, rjúpa, jaðrakan og ungar út um allt. Tókum einn hrossagauksunga í hendina og hann skeit af hræðslu, en krútt var hann samt.

Nú á laugardagskvöldi svona um hálf tíu segir dóttir mín" förum í bíltúr og kaupum okkur nammi".  Já ekkert mál.  Við keyrðum í Búðardal og náðum fyrir lokun vonandi, nei allt lokað kl.20:00 Ég mundi eftir annari sjoppu en nei hún var hætt.  Hitti mann á traktor og hann sagði að eitthvað gæti ég fengið á Bjargi, sem er gisti og veitingarhús.  Þar á móti okkur tók hann Villi sem vann áður í Laugarásbíói, Holly ,Klúbbnum og Brodway sem dj.    Já hann átti Prins póló sem reddaði okkur fram á næsta dag.  Frábær þjónusta.

Daginn eftir fórum við aftur en þá á Bensó og þar fengum við heimsins besta borgara, geggjaðar frönskur og alles.  Mjög gott og voru þau ekki lengi að afgreiða fulla sjoppu af fólki, hestamenn og fólk með skuldahalana á eftir sér.  Á leiðinni inn í Hólm sáum við marga bíla með drasl á efti sér.  Flestir voru tillitssamin og véku út í kannt en sumir tóku ekki eftir að við vorum fyrir aftan þá.  Það vantar stærri spegla.  Á sumum hjólhýsum var ekki skoðunarmiði.  Hvernig eru þessar reglur????

Bóndinn er kominn heim, húúúúrrra en bara til að fara  í veiðferð á Arnarvatnsheiði á miðvikudag verður í nokkra daga kemur svo með frystigám með aflanum heim á Sunnudag.  nei grín  .

Læt þetta duga að sinni. Lesumst hress.  ekkert stress og bless.....

Kveðja,

Himnesk helgi,

Heil og sæl,

Var að koma heim, átti yndislega helgi með fjölskyldunni í Dölunum.

Búin að þvo sængurver, handklæði og fatnað og hengja upp. 

Meira á morgun,

Góða nótt,sofið rótt

kveðja

Dýrt skal það vera, ennþá flottara.....

Því dýrara sem það er því flottara.  Fólk fer þarna bara að því Danny á staðinn.  Margt frægt fólk á veitingastaði,  en sammála, þetta er annsi dýrt fyrir ítalskan mat pasta, pizzu og spagettí,,,,,grín

kveðja,

Danny DeVito í veitingarekstur

Ástin á sér engin landamæri...

Allir hafa sína skoðun í  þessum málum.  Stundum skilur maður ekki  "hvað sér hún/hann við hann/hana "  Er ekki Kate Moss búin að vera í veseni líka kannski hafa þau kynnst í meðferð.  Allir hafa sínar ágætu hliðar. 

Því láta konur og karlar lemja sig og misnota jafnvel árum saman , andlegt og líkamlegt ofbeldi,??   Menn og konur sem misnota börn maka??? hvað er að???   Ástin?  er blind.   Ég elska hann/hana er ætíð svarið.  Ég þori ekki að fara frá honum, það er ekki víst að ég finni annann, aðra . o.sv.fr.

Þessu verður seint svarað. 

kveðja,

Doherty ætlar að kvænast Moss í sumar

Kaldrifjaður glæpamaður

Fjandans kistan var læst utan-frááááááaáááá´.  Þokkalegt ástand. Ekki vildi ég versla í þessari búð þar sem frystirinn hefur ekki verið þrifinn í mörg ár.   ojojojjojo eða var fisksalinn sá seki ?????

kveðja,

Fann frosið lík glæpamanns

Ertu A eða B manneskja eða jafnvel C og D????

Heil og sæl.

Konur til hamingju með daginn.  Fór í fallega bleika bolinn minn og bleiku sokkana og labbaði alsæl í vinnuna hugsandi um réttindi kvenna og hvað hefur áunnist, eða er allt að síga aftur á bak?

Þá er þessi dagur að kveldi kominn og ég sit eldrauð í framan við tölvuna.  Var úti svo til í allan dag með krökkunum á leikskólanum og við drukkum úti líka, mjólk og  kex með osti.  Yngsta deildin er yndisleg, þau bralla svo margt.  Þetta heldur mér unglegri, hvað er skemmtilegra en að róla sér og syngja fullum hálsi?????  Moka og gera kökur með blómaskreytingum  eða bara hvað sem er .

Eftir kvöldmat sem var brauðsneið með túnfisksalati, bakaði ég eplakökur 2 fyrir basarinn á morgun í leikskólanum.  Við erum að safna fyrir námsferð til Svíþjóðar á næsta ári.  Spennandi...... Horfði á sjónvarpið meðan þær voru að bakast.  Ryksugaði og fór svo út að ...nei ég er ekki ofvirk, horfði bara á" How clean is your house" og þá varð mér nóg boðið. Óska mér þess að eiga galdraprik sem ég get sveiflað og látið óskir mína rætast eins og Jeanny gerði sem var í flöskunni.  (gamall sjónvarpsþáttur )

Um miðnætti fór ég út að vökva trén, það er svo róandi, sprauta köldu vatni, heyra hvissið í trjánum, horfa á dropana detta niður í dökkbrúna fallegu moldina.  Síminn hringir og ég stend úti um miðnætti að vökva og tala í síma.  Bróðir minn að bjóða góða nótt og segja mér frá nýja bílnum sínum. 

Heyrðuð þið talað um A og B og jafnvel C manneskjur?.  Ég er BC kona, vil sofa lengi á morgnana og er að lengi fram á nótt.  Næturkerling.  Maðurinn minn er +A maður vaknar kl. 7:00 þótt hann þurfi ekkert að gera.    Hitti eina sem sagðist vera E kona, váááá vaknar 16:00 og fer að sofa um 04:00 nei, smá grín.

Jæja, merkilegra verður það ekki í dag, hafið það sem allra best og látið fallegar hugsanir fylgja ykkur inní draumaland.

 

Kveðja,

 

Strekki dúka í sama síma.

Heil og sæl,

Mikið er þessi dagur búin að vera fallegur.  Sól og blíða þegar ég labbaði í vinnuna kl. átta í morgun.  Sól og blíða á leikvellinum og börnin léttklædd, sól þegar ég labbaði heim  og núna er sól á miðnætti.  Kraftarverk Guðs.

Það er svo gott að hugsa á göngu.   Hugleiðing dagsins var hvort ég ætti að skella mér í nám tengt ferðamálum. 

Vann á Upplýsingamiðstöðinni hér í Hólminum 2002 og sá um tjaldstæðin líka.  Hitti svo mikið af fólki ,lærði svo mikið nýtt , ég lifi á þessu ennþá.

Eða skella sér í þetta dulræna. Já, hef verið að spá í spil og bolla.

Man allt í einu eftir spákonu sem auglýsti í blaði,  

Spái í spil og bolla og strekki dúka í sama síma "   snilld, sá hana í anda að strekka dúka í gegnum síma.  

Já síminn er þarfaþing.  Gæti ekki verið án hans en gemsann get ég geymt,  nota hann ef ég fer suður eða í ferðalag.  Skil ekki fólk sem talar endalaust í gemsann.  Hef séð fólk út í búð í síma""" hvað á ég að kaupa elskan,,,já  og.  Aftur í símann kjúllinn var ekki til , sími .,, ok jaá grillkjöt.  ok. bless.  Við kassann hringir,  sms frá frúnni , já kaupa kippu ok.  blalalablalalal. Hvað með sjálfstæðar hugsanir??   

Sumir geta ekki verið án hans, vinnulega séð skil það, svo eru bara sumir starfsmenn með síma og sinna ekki vinnu sinni vegna truflana af gemsanum og aðrir verða að sjá um þeirra vinnu , óréttlátt.      

Áfram með símann,   ég kynntist manninum mínum í gegnum símaat fyrir 2o árum, já svona er ástin. Jæja síminn hringir, minns að bjóða góða nótt ú Dölunum. 

Góða nótt elskurnar mína og sofið rótt.  Tæmið hugann og farið sátt að sofa.

kveðja,

Enn ein rós fyrir Íslendinga.

Til hamingju.

 

kveðja

Sjálfbært Ísland fékk verðlaun veitingahúsaeigenda í Washington

Trúarmálaráðherra, Ijaz-ul-Haq

Alveg er ég viss um að þetta eigi eftir að draga dilk á eftir sér.  Öfgakenndin er svo mikil.  Bara það að hafa Trúarmálaráðherra segir sitt.  Ekkert réttlætir hryðjuverk.

kveðja,

Segja aðalstign Rushdies geta leitt til hryðjuverka